MastHead

Slide Show

MUNICIPAL HALL of the Local Government Unit of Rosario, Province of Batangas, Philipines.
VIEW over Tombol Hill, Municipality of Rosario, Batangas, Philippines

Monday, April 20, 2020

UKOL SA NAPABALITANG UNANG KASO NG POSITIBONG COVID-19 SA BAYAN NG ROSARIO, BATANGAS

PRESS RELEASE: of the Local Government of Rosario, Batangas, Philippines dated April 20, 2020: 

Official Press Release LGU Rosario, Batangas 2020-04-20

Kasalukuyang Sitwasyon at ang mga Dapat na Asahan

(ROSARIO, BATANGAS) - Dahilan sa napabalitang unang kaso ng positibong Covid-19 sa Bayan ng Rosario, Batangas ay hindi maiiwasang mangamba ang marami sa ating mga kababayan. Kumalat ang balita Linggo ng hapon at ika-19 ng Abril 2020, kung saan ay sinasabing isang positibo sa Covid-19 na frontliner na naka-assign sa National Capital Region (NCR) ang nasa Bayan ng Rosario, siya ay asymptomatic at naka-isolate naman sa kanilang tahanan.

Kaugnay po nito, umabot sa ating kaalaman na noon ding araw na iyon, pasado 9:00 ng gabi ay sinundo na ang pasyente ng ating Batangas Provincial Health Office (PHO) upang ihatid sa Isolation Area ng kanyang organisasyong kinabibilangan. Hangad po natin ang kanyang kaligtasan. Gayundin naman, ang pook na kanyang tinigilan ay buong naka-sarado na upang mapanatili ang mga tagaroon sa kanilang mga tahanan. Gaya ng inyong inaasahan, magbibigay po ng dagdag ayuda ang inyong Pamahalaang Bayan ng Rosario upang matulungan ang mga kabahayan na apektado ng pangyayaring ito.

Bilang dagdag na aksyon ng inyong Pamahalaang Bayan ay ipinag-utos po ng ating butihing Mayor Manuel “Manny” B. Alvarez na pansamantalang isara ngayong araw ng Lunes - ika-20 ng Abril, 2020 - ang ating Pamilihang Bayan sa kadahilanang meron pong disinfection na gagawin. Hinihingi po ang inyong malawak na pangunawa sa bagay na ito. Kagyat naming ipapaalam po sa inyo kung kelan ito magbubukas muli.

At karagdang pa ring aksyon ay mayroon pong ginawang Executive Order No. 05, s. 2020 ang ating Punong Bayan Manny Alvarez na kautusang nagbubuo ng COVID-19 Contact Tracing Team upang matukoy ang mga kaukulang hakbang sa pagpapanatili ng kaligtasan ng bawat mamamayan ng ating Bayan ng Rosario at lahat ng sa atin ay mga umaasa.

OMM E.O. No. 5 s.2020 Covid-19 Contact Tracing Team

OMM E.O. No. 5 s.2020 Covid-19 Contact Tracing Team


“LAGI PO TAYONG MAG-INGAT AT HUWAG LAGING LAYAS NG LAYAS” - iyan po ang mahigpit na payo ni Covid-19 Task Force Co-Chairman Dr. Luisito T. Luna, Rural Health Physician at inatasang gumanap bilang Municipal Health Officer ng ating bayan.

No comments:

Post a Comment

Miss Tourism Philippines 2018 - ROSARIO, BATANGAS ENTRY - MS. JAN ROSE DE CASTRO

Flushing/Disinfection Operation

Popular Posts